Qazaqstan Respýblikasy Indýstriia jáne infraqurylymdy damý ministrligi kólik, turǵyn úi-kommýnaldyq sharýashylyq jáne qurylys salalarynda «Aqyldy qala» tsifrlyq jobalaryn iske asyrýda.
Bul týraly ministrliktiń resmi saitynda habarlandy.
Kóp páterli turǵyn úilerdegi elektrondy jobalar
Ministrlik otandyq IT-kompaniialar men jergilikti atqarýshy organdardyń arasynda turǵyn úi qorynyń protsesterin avtomattandyratyn daiyn IT sheshimderin masshtabtaý boiynsha dialog qurýda.
Páter ieleri koperativterimen, basqarýshy kompaniialarmen qarym-qatynasty ońtailandyrý úshin mobildi qosymshalar jáne basqa quraldar engizilýde. Mysaly, Top ksk, E-ksk, BIG (BI clients), E- knot, Aqyldy úi, Integro: elektrondy TKSh, Turǵyn úilerdi elektrondy pasporttaý, sondai-aq múlik ieleriniń birlestigi siiaqty jobalar qazirde qoldanysta.
Osy quraldardyń kómegimen turǵyndar basqarýshy kompaniiamen bailanysty ár túrli máselelerdi sheshýge, turǵyndarmen kezdesý ótkizýge ótinish berý, daýys berý, apattar men toqtaýlar týraly habarlamalar alýǵa, basqarýshy kompaniianyń qyzmeti týraly esepter alýǵa jáne basqalarǵa qol jetize alady.
Osyǵan uqsas sheshimderdi otandyq IT-kompaniialar elimizdiń 16 aimaǵynda (14 182 úi jáne 482 544 páter) júzege asyrdy.
Injenerlik jelilerdi tsifrlandyrý
Ministrlik ákimdiktermen birlese otyryp, aimaqtyq geoaqparattyq júielerdi (AGAJ) paidalana otyryp, salynǵan aimaqtardyń injenerlik infraqurylymy týraly derekterdi tsifrlandyrý jáne toltyrý, sondai-aq olardy qalakadastr bazasyna jiberý boiynsha jumystar júrgizýde.
AGAJ tehnikalyq daiyndyǵy boiynsha úsh kóshbasshyǵa Aqtóbe (87,2%), Atyraý (85%) jáne Almaty (83,6%) oblystary kirdi.
Batys Qazaqstan jáne Almaty oblystarynda AGAJ testilik integratsiia júzege asyryldy. 15 aimaq memlekettik qala kadastr júiesimen integratsiialanýǵa tehnikalyq jaǵynan daiyn.
«Aqyldy» jylý jáne sý eseptegishterin ornatý
Elimizdiń 13 aimaǵynda kópqabatty turǵyn úilerdiń derekterdi qashyqtyqtan jibere otyryp jylý eseptegish qurylǵylarmen jabdyqtalý deńgeii 50%-dan asady.
Qazaqstan Respýblikasynyń tórt aimaǵynda «aqyldy» sý eseptegishterimen jabdyqtaý deńgeii 70%-dan asady (Shymkent - 100%, Almaty - 93%, Nur-Sultan - 93%, Aqtóbe - 72%). Mundai kórsetkishterge basqa aimaqtarda qol jetkizý boiynsha jumys júrgizilýde, qarjylandyrýdyń jeńildetilgen sharttary engizildi.
Qoǵamdyq kólikte jol aqysyn tóleýdiń elektrondyq júiesi
Qoǵamdyq kólikte jol aqysyn tóleýdiń elektrondyq júiesi oblystyq jáne respýblikalyq mańyzy bar toǵyz qalada (Nur-Sultan, Almaty, Kókshetaý, Atyraý, Aqtaý, Qyzylorda (ishinara), Taraz, Qaraǵandy (pilottyq) jáne Shymkentte) engizildi.
Jyl sońyna deiin júieni taǵy bes qalada (Taldyqorǵan, Pavlodar, Óskemen, Aqtóbe, Qostanai) iske qosý josparlanýda.
Qoǵamdyq kóliktiń dispetcherlik qyzmeti
Júie Qazaqstannyń 12 aimaǵynda engizilgen. Joba Túrkistan (50%) jáne Qyzylorda (27%) qalalarynda ishinara júzege asyrylǵan. Qaraǵandy men Óskemen qalalarynda iske asyrý satysynda. Aqtóbe qalasynda operatordyń aýysýyna bailanysty júie ýaqytsha toqtap tur.
Mobildi qosymshalar 12 aimaqta qoldanylady, bul halyqqa barlyq qalalyq qoǵamdyq kólikterdiń qozǵalysyn naqty ýaqyt rejiminde baqylaýǵa múmkindik beredi.
