Búgin QR Úkimetiniń Qaýlysymen Bolat Oraluly Aqsholaqov Qazaqstan Respýblikasynyń Energetika vitse-ministri bolyp taǵaiyndaldy, dep habarlaidy "Ult aqparat".
Ministrliktiń aktivine jańa taǵaiyndalǵan vitse-ministrdi vedomstvo basshysy Qanat Bozymbaev tanystyrdy.
Eske sala keteiik, 10 qazandaǵy Úkimet otyrysynda QR Premer-Ministri elimizdegi benzin baǵasyn rettei almaýyna bailanysty sol kezdegi Energetika vitse-ministri Áset Maǵaýovty qyzmetinen bosatqan bolatyn.
Bolat Aqsholaqov 1971 jyly Atyraý qalasynda dúniege kelgen. 1993 jyly Qazaq memlekettik basqarý akademiiasyn támamdaǵan. Mamandyǵy boiynsha - ekonomist.
Eńbek jolyn 1994 jyly bastaǵan. 1995-1997 jyldary Ortalyq Aziia yntymaqtastyq jáne damý bankiniń aktivterdi basqarý bóliminiń mamany, bólim bastyǵy, direktordyń orynbasary qyzmetin atqardy.
1997-2003 jyldary «Qazaqoil» UK» JAQ Teńiz jobasy boiynsha aǵa sarapshy, menedjer, departament direktorynyń orynbasary, Commonwealth & British Services Ltd. biznes-taldaýshysy, strategiialyq josparlaý jónindegi menedjeri, qarjy direktory bolyp eńbek etti.
2003-2006 jyldar aralyǵynda - «QazMunaiGaz» UK» AQ BK-da úlesti basqarý jónindegi atqarýshy direktor.
2006-2008 jyldary Qazaqstan Respýblikasynyń Energetika jáne mineraldy resýrstar vitse-ministri bolyp qyzmet atqardy. 2008-2011 jyldary - «Samuryq-Qazyna» UÁQ» AQ basqarýshy direktory, «PSA» JShS bas direktory, «QazMunaiGaz»UK» AQ basqarma tóraǵasy boldy. 2012-2014 jyldary - QR Munai jáne gaz vitse-ministri.
2014 jyldyń qyrkúiek aiynan bastap - «AlmexPetrochemical» JShS bas direktory. 2016 jyldyń aqpan aiynan bastap - «KAZENERGY» Qazaqstan munai-gaz jáne energetika kesheni uiymdarynyń qaýymdastyǵy» zańdy tulǵalar birlestiginiń bas direktory.
«Qurmet» ordenimen marapattalǵan.
