QR Energetika ministrligi 2022 jylǵy 2-toqsanda suiytylǵan gaz baǵasy qai deńgeide bolatynyn málimdedi, dep habarlaidy QazAqparat.
«2022 jylǵy 1 sáýirde QR Energetika ministriniń «Qazaqstan Respýblikasynyń ishki naryǵyna suiytylǵan munai gazyn berý jospary sheńberinde taýar birjalarynan tys ótkiziletin suiytylǵan munai gazynyń shekti baǵalaryn bekitý týraly» buiryǵy kúshine enedi.
Qabyldanǵan buiryqqa sáikes suiytylǵan gazdyń shekti baǵasy 2022 jylǵy 2-toqsanda aǵymdaǵy deńgeide belgilenedi jáne 28 000,00 tg/t (QQS-syz) quraidy» delingen habarlamada.
2022 jyldyń qańtarynda Memleket Basshysy Qasym-Jomart Toqaevtyń tapsyrmasyna sáikes eldegi áleýmettik-ekonomikalyq jaǵdaidy turaqtandyrý úshin QR Básekelestikti qorǵaý jáne damytý agenttiginiń (QR BQDA) buiryǵymen Qazaqstanda avtogaz quiý stantsiialarynda avtokólikterge janarmai quiý úshin 180 kúnge (QQS qosa alǵanda) suiytylǵan gazdyń shekti-bólshek saýda baǵasy belgilengenin eske salamyz.
QR BQDA buiryǵyna sáikes óńirlerdegi suiytylǵan munai gazynyń bólshek saýda baǵasy QQS-pen litrine 50-den 75 teńgege deiin (QR BQDA buiryǵyna sai) qurady.
