QR Úkimetiniń Qaýlysymen Serik Jambyluly Shápkenov QR eńbek jáne halyqty áleýmettik qorǵaý vitse-ministri qyzmetine taǵaiyndaldy. Bul týraly QR Premer-Ministriniń baspasóz qyzmeti habarlaidy.
S. Shápkenov 1979 jyly Batys Qazaqstan oblysy Qaratóbe aýylynda týǵan. Batys Qazaqstan memlekettik ýniversitetin «ekonomist-matematik» mamandyǵy boiynsha bitirgen.
Eńbek jolyn 2000 jyly Batys Qazaqstan memlekettik ýniversitetinde oqytýshy bolyp bastady. Túrli jyldary Batys Qazaqstan oblysy ákiminiń apparaty qurylymynda jumys istedi.
2012-2015 jyldary Batys Qazaqstan oblysy ákiminiń birinshi orynbasary boldy.
2015-2016 jyldary — QR Prezidenti Ákimshiliginiń Memlekettik baqylaý jáne aýmaqtyq uiymdastyrý jumysy bóliminiń memlekettik inspektory.
2016-2018 jyldary — Atyraý qalasynyń ákimi.
2018 jyldan bastap qazirgi ýaqytqa deiin Atyraý oblysy ákiminiń birinshi orynbasary boldy.
