Qazaqstannyń Ýkrainadaǵy Elshisi Darhan Káletaev Ýkrainanyń Birinshi vitse-premer-ministri - Ekonomika ministri Aleksii Liýbchenkomen kezdesý ótkizdi, dep habarlaidy "Ult aqparat".
Suhbattasýshylar ekijaqty saýda-ekonomikalyq yntymaqtastyqtyń ózekti máselelerin, sondai-aq 2021 jyly 18 maýsymda Kievte ótetin Ekonomikalyq yntymaqtastyq jónindegi qazaqstandyq-ýkrainalyq birlesken memleketaralyq komissiiasynyń kelesi otyrysyna daiyndyq máselelerin talqylady.
Taraptar halyqaralyq saýda, kooperatsiia jáne infraqurylym salasyndaǵy ózara is-qimyldy damytýdyń eleýli áleýettiń bar ekenimen kelisti. Basym baǵyttar qataryna agroónerkásip kesheni, infraqurylymdyq qurylys, kólik jáne kommýnikatsiia men týrizm jatady.
Bul máseleler Qazaqstan men Ýkraina arasyndaǵy yntymaqtastyqtyń barlyq aspektilerine serpin berý úshin naqty sheshimder ázirleý maqsatynda ótkiziletin Memleketaralyq komissiianyń otyrysy barysynda egjei-tegjeili talqylanatyny atap ótildi.
