QR Prezidenti Qasym-Jomart Toqaevtyń Jarlyǵymen Maǵzum Maratuly Myrzaǵaliev Qazaqstan Respýblikasynyń Ekologiia, geologiia jáne tabiǵi resýrstar ministri bolyp taǵaiyndaldy, dep habarlaidy "Ult aqparat" Aqordaǵa silteme jasap.
«Maǵzum Maratuly Myrzaǵaliev Qazaqstan Respýblikasynyń Ekologiia, geologiia jáne tabiǵi resýrstar ministri bolyp taǵaiyndalsyn», - delingen Jarlyq mátininde.
Maǵzum Myrzaǵaliev 1978 jyly Almaty qalasynda dúniege kelgen. «Turan» ýniversitetin (1999 j.) jáne L.N.Gýmilev atyndaǵy Eýraziia ulttyq ýniversitetiniń Diplomatiialyq akademiiasyn bitirdi (2003), Sh.Esenov atyndaǵy Kaspii memlekettik tehnologiialar jáne injiniring ýniversitetin (2010) támamdaǵan.
2001-2004 jyldary Teńiz jáne Batys Sibir ken oryndarynda burǵylaý eritindisiniń injeneri bolǵan. AQSh jáne Malaiziiada tájiribeden ótken.
2004-2007 j.j. - Óndiris jónindegi menedjer (MI Drilling Fluids International kompaniiasynyń Aqtaýdaǵy filialynyń basshysy).
2007-2010 jyldary - «TeńizServis» JShS bas direktory.
2010-2012 jyldary - «QazMunaiGaz» UK AQ servistik jobalar jónindegi basqarýshy direktory.
2012-2013 jyldary - «QazMunaiGaz» UK AQ Innovatsiialyq damý jáne servistik jobalar jónindegi basqarma tóraǵasynyń orynbasary.
2013-2014 jyldary - Qazaqstan Respýblikasynyń Munai jáne gaz vitse-ministri.
2014 jyldyń tamyz aiynan bastap - QR Energetika vitse-ministri.
