Buqaralyq aqparat quraldarynda taraǵan patsientter týraly málimet jeke menshik kompaniia ázirlegen meditsinalyq aqparattyq júiege tiesili. Bul týraly QR Densaýlyq saqtaý ministrliginiń baspasóz qyzmeti málim etti, - dep habarlaidy QazAqparat.
«QR Densaýlyq saqtaý ministrligi naýqastardyń jeke basyna qatysty aqparattyń qalai jariia bolǵanyn, jalpy, jaǵdaidy túsindirip berýdi surap, kompaniiaǵa resmi hat jiberdi. Aqparattyq qaýipsizdikke jaýapty organdardyń tekserý qorytyndysy shyqqan soń, Densaýlyq saqtaý ministrligi tolyǵyraq aqparat taratady», - delingen habarlamada.
Aita ketý kerek, búginge deiin Densaýlyq saqtaý ministrligine tiesili aqparattyq júieler men elektrondyq portaldardyń jumysy sebepsiz buzylyp, toqtaǵan emes jáne jeke málimet taraǵan joq. Barlyq júieler men portaldar QR aýmaǵynda qoldanystaǵy normativtik-quqyqtyq aktilerge sáikes shtattyq rejimde jumys isteýde.
