Qazaqstanda sanitarlyq-epidemilogiialyq qyzmet salasyndaǵy mamandardy arttyrý jumysy qolǵa alynady, dep habarlaidy "Ult aqparat".
Aita ketsek, búgin Densaýlyq saqtaý ministri Eljan Birtanovtyń qatysýymen COVID-19 indetine qarsy kúres sharalaryn ázirlep, sanitarlyq-epidemiologiialyq qyzmetti jetildirý boiynsha jumys tobynyń otyrysy ótken bolatyn.
Otyrys barysynda Densaýlyq saqtaý ministrliginiń adam resýrstary men ǵylym departamentiniń direktory Sáýle Sydyqova 2020-2022 jyldary sanitarlyq-epidemilogiialyq qyzmet salasyn joǵary bilimdi meditsinalyq kadrlarmen qamtamasyz etý josparyn baian etti.
Onyń málimetinshe josparǵa sáikes biyl sanitarlyq-epidemilogiia salasy boiynsha mamandardy daiarlaý maqsatynda memlekettik bilim tapsyrysyn 40 paiyzǵa arttyrý (315) kózdelgen. Sol sekildi 2021 jyly bul kórsetkishti 60 paiyz (360 adam), 2022 jyly 75 paiyzǵa (395 adam) arttyrý josparlanýda.
Sondai-aq respýblikalyq biýdjet esebinen kadrlardyń biliktiligin arttyrýda pandemiiany esepke ala otyryp, epidemiologiia, infektsiialyq aýrýlar, jedel járdem, laborotoriialyq diagnostika men qoǵamdyq densaýlyq saqtaý salasyndaǵy mamandarǵa basa nazar aýdarylady.
