Densaýlyq saqtaý ministrligi meditsina salasynyń qyzmetkerleriniń jalaqysyna qatysty qaýyrt jelini iske qosty, dep habarlaidy "Ult aqparat" ministrliktiń Facebook-taǵy paraqshasyna silteme jasap.
«Densaýlyq saqtaý ministrliginde 2019 jyldyń 1 maýsymynan bastap densaýlyq saqtaý júiesi qyzmetkerleriniń jalaqysyna qatysty suraqtar boiynsha qaýyrt jeli telefony iske qosyldy. Qosymsha saýaldaryńyz bolsa, jumys kúnderi saǵat 9-00 den bastap 18.30-ǵa deiin 8 (7172)74-32-17 telefonyna habarlasa alasyzdar», delingen habarlamada.
Ministrlik dárigerlerge osy másele boiynsha kásipodaq uiymdaryna habarlasýǵa bolatyndyǵyn jetkizdi.
Qazaqstandyq densaýlyq saqtaý qyzmetkerleriniń salalyq kásipodaǵy: M.S. Býtina, telefony: 8-701-722 -9153; B.A. Tájibai, telefony 8 (7172)-25-49-30; G.E. Mýsina, telefony: 8-702-999-4040. «SENIM» Densaýlyq saqtaý júiesi qyzmetkerleriniń salalyq kásipodaǵynyń telefony: I.A. Tosheva 8 (7172)-20-23-72.
Eske sala ketsek, buǵan deiin ministrlik maýsym aiynyń sońynda densaýlyq saqtaý júiesindegi 400 myńǵa jýyq adamnyń jalaqysy 30 paiyzǵa ósetindigin habarlaǵan bolatyn. Qyzmetkerlerdiń eńbekaqysy olardyń laýazymyna, jumys ótili men biliktilik sanatyna qarai ósedi
