«Halyq densaýlyǵy jáne densaýlyq saqtaý júiesi týraly» Qazaqstan Respýblikasynyń 2020 jylǵy 7 shildedegi № 360-VI kodeksine sáikes «sanitariialyq aviatsiia» termini «meditsinalyq aviatsiia» bolyp ózgertildi.
Meditsinalyq aviatsiia – bul áýe kóligin tarta otyryp, halyqqa shuǵyl nysanda jedel meditsinalyq kómek kórsetý. Kómektiń bul túrin Qazaqstan Respýblikasy Densaýlyq saqtaý ministrliginiń «Ulttyq shuǵyl meditsinany úilestirý ortalyǵy» ShJQ RMK kórsetedi.
Tegin meditsinalyq kómektiń kepildik berilgen kólemi sheńberinde meditsinalyq aviatsiia nysanyndaǵy meditsinalyq kómek Qazaqstan Respýblikasynyń azamattaryna, qandastarǵa, bosqyndarǵa, Qazaqstan Respýblikasynyń aýmaǵynda turaqty turatyn sheteldikter men azamattyǵy joq adamdarǵa usynylady. Medaviatsiia jumysy mynadai baǵyttarda júrgiziledi: patsientterdi tasymaldaý, konsýltatsiialar men operatsiialar júrgizý úshin joǵary bilikti mamandardy áýe kóligimen jetkizý, telemeditsinalyq konsýltatsiialar ótkizý, sondai-aq donorlyq organdar men biomaterialdardy tasymaldaý.
Meditsinalyq aviatsiia qyzmetin tartýǵa meditsinalyq kómektiń qol jetimdiliginiń qiyndyǵy nemese odan qashyqtyǵy, patsienttiń ornalasqan jeri boiynsha meditsinalyq jabdyqtyń nemese bilikti mamannyń bolmaýyna bailanysty meditsinalyq kómek kórsetýdiń múmkin emestigi, aýqymy basqa kólik túrlerimen meditsinalyq evakýatsiialaýdy júzege asyrýǵa múmkindik bermeitin oqiǵalar kezinde meditsinalyq kómek kórsetý qajettiligi, oqiǵa ornyna bilikti mamandardy jetkizý negiz bolyp tabylady.
Medaviatsiia nysanynda meditsinalyq kómek kórsetýdi respýblikalyq nemese oblystyq mańyzy bar meditsinalyq aviatsiianyń mobildi brigadasy (budan ári – MAMB) bilikti meditsinalyq mamandary júzege asyrady. Bul toptar patsienttiń patologiia beiinine sáikes jabdyqtalǵan, MAMB quramyna dáriger men feldsher kiredi. Qajet bolǵan jaǵdaida meditsinalyq kórsetilimder boiynsha oblystardyń, respýblikalyq mańyzy bar qalalardyń jáne Astananyń meditsinalyq uiymdarynan beiindi mamandar tartylady.
Meditsinalyq aviatsiia jelisi boiynsha jumys Qazaqstan Respýblikasynyń barlyq óńirlerinde uiymdastyryldy. Jedel meditsinalyq járdem stantsiiasynyń janynda árbir oblys ortalyǵynda barlyq aýdandyq meditsinalyq uiymdarmen ózara is-qimyl jasaityn úilestirýshi dáriger jumys isteidi, bul shalǵai jáne jetýi qiyn aýdandardyń turǵyndaryna meditsinalyq kómektiń qoljetimdiligin qamtamasyz etýge múmkindik beredi. Áýe kemelerin meditsinalyq aviatsiia jelisi boiynsha paidalaný baǵyttyń qiyndyǵyna qaramastan, oǵan muqtaj árbir adamǵa jedel jáne sapaly meditsinalyq kómek kórsetýge múmkindik beredi.
