Qazaqstan Boks federatsiiasy biylǵy maýsymdy qorytyndylap, jyldyń úzdik sportshylaryn jáne bapkerlerdi marapattady, dep habarlaidy "Ult aqparat".
QR Boks federatsiiasynan málim etkendei, biylǵy jyldyń «Úzdik boksshysy» ataǵyn erler arasynda Bekzad Nurdáýletov jeńip aldy.
Aita keteiik, 21 jastaǵy mańǵystaýlyq boksshy biyl Ekaterinbýrgte ótken álem chempionatynda qarsylas shaq keltirmei, jeńis tuǵyrynyń eń biik satysynan kóringen bolatyn.
Al «Áielder arasyndaǵy úzdik boksshysy» ataǵyn qaraǵandylyq Milana Safronova qanjyǵasyna bailady. Ol biyl álem jáne Aziia chempionattarynda júldeger atandy.
Sondai-aq, «Úzdik jas boksshy» júldesin jastar arasyndaǵy Aziia chempiony Mahmud Sabyrhan ielense, «Jastar komandasynyń úzdik jattyqtyrýshysy» Mahmudtyń bapkeri Iliias Oralbek boldy.
«Qyzdar arasyndaǵy úzdik jas boksshy» atalymynda jeńis Aziia chempiony Anel Saqyshqa berildi.
«Úzdik federatsiia» ataǵyn Mańǵystaý oblysy ielense, «Úzdik tóreshi» nominatsiiasy halyqaralyq dárejedegi tóreshi Ǵani Ysqaqovqa buiyrdy.
