Ábdirasilov Bolatbek Serikbaiuly Qazaqstan Respýblikasynyń Bilim jáne ǵylym ministrligi Ǵylym komitetiniń tóraǵasy bolyp taǵaiyndaldy, dep habarlaidy "Ult aqparat".
Ábdirasilov Bolatbek, biologiia ǵylymdarynyń doktory, fizika-matematika ǵylymdarynyń kandidaty, dotsent, 1958 jyly 15 shildede Qyzylorda qalasynda týǵan. 1979 jyly N.V. Gogol atyndaǵy Qyzylorda pedagogika institýtyn, 1987 jyly KSRO ǴA Biofizika institýtynyń aspirantýrasyn bitirgen.
1987-1996 jyldary Qorqyt ata atyndaǵy Qyzylorda gýmanitarlyq ýniversitetinde oqytýshy, aǵa ǵylymi qyzmetker, kafedra meńgerýshisi, prorektor bolǵan.
1996-1998 jyldary – osy ýniversitettiń rektory. 1998 jyldan bastap – Qorqyt ata atyndaǵy Qyzylorda memlekettik ýniversitetiniń birinshi prorektory.
2000-2001 jyldary Qazaqstan Respýblikasynyń Memlekettik qyzmet isteri agenttiginiń «Aqparat jáne testileý ortalyǵy» memlekettik mekemesiniń direktory, sodan keiin Qazaqstan Respýblikasynyń Bilim jáne ǵylym ministrliginiń Monitoring jáne baqylaý departamenti direktorynyń orynbasary qyzmetin atqarǵan.
2001 jyldyń tamyzynan 2004 jyldyń qarashasyna deiin QR Bilim jáne ǵylym ministrliginiń Joǵary jáne joǵary oqý ornynan keiingi bilim departamentiniń direktory bolǵan. Osy jyldyń qarasha aiynda QR Bilim jáne ǵylym ministrliginiń Bilim jáne ǵylym salasyndaǵy qadaǵalaý jáne attestattaý komitetiniń tóraǵasy bolyp taǵaiyndalǵan, 2007 jyldyń aqpanynan 2010 jyldyń qyrkúiegine deiin - Qazaqstan Respýblikasynyń Prezidenti Ákimshiliginiń Memlekettik baqylaý jáne uiymdastyrý jumysy bóliminiń memlekettik inspektory bolǵan.
2010 jyldyń qazan aiynda Qazaqstan Respýblikasynyń Bilim jáne ǵylym ministrliginiń jaýapty hatshysy bolyp taǵaiyndaldy.
2012-2016 jyldary Qazaqstan Respýblikasynyń Prezidenti janyndaǵy Memlekettik basqarý akademiiasynyń rektory qyzmetin atqarǵan.
2017 jyldyń 24 naýryzynan bastap Qazaqstan Respýblikasynyń Bilim jáne ǵylym ministriniń №34-JK buiryǵymen QR BǴM Ǵylym komitetiniń tóraǵasy bolyp taǵaiyndaldy.
