Orta mektepterde úi tapsyrmalarynyń kólemin qysqartý josparlanyp otyr. Bul týraly úkimet otyrysynda QR Bilim jáne ǵylym ministri Erlan Saǵadiev aitty, - dep habarlaidy "Ult aqparat" kaz.tengrinews.kz portalyna silteme jasap.
"Biz elektrondyq kúndelik, elektrondyq oqýlyq jáne eń bastysy mektepterdiń dálizderine shkaftar ornatqymyz keledi. Sondai-aq, úi tapsyrmalaryna qatysty shekteýler bolady. Osy másele boiynsha búgin nemese erteń mektep direktorlarynan quralǵan eki toptyń habarlandyrýy jariialanady. Bizde úi tapsyrmasyn 40 minýt - 1 saǵatqa deiin qysqartý týraly usynys bar. Múmkin, keibir sabaqtardan úi tapsyrmasy berilmeidi", - dedi Saǵadiev.
Eske sala keteiik, osyǵan deiin ministrliktiń qazaqstandyq mektepterdegi ár synypta Wi-Fi ornatý boiynsha jobany bastaǵany habarlanǵan bolatyn.
