QR Bilim jáne ǵylym ministrligi qamaýǵa alynǵan vedomstvo basshysynyń kómekshisine bailanysty túsinikteme berdi, dep habarlaidy "Ult aqparat".
«Iri kólemde biýdjet qarjysyn jymqyrýda kúdikke ilingen Bilim jáne ǵylym ministrligi jaýapty hatshysynyń kómekshisi memorgannyń shtattyq sanyndaǵy shekteýlerge bailanysty ministrdiń kómekshisi retinde tirkeýde bolǵan. Jaýapty hatshynyń kómekshisine qatysty birazdan beri tergeý amaldary júrgizilgen bolatyn», - delingen QR BǴM baspasóz qyzmetiniń málimetinde.
Sonymen qatar vedomstvo ókilderi QR Bilim jáne ǵylym ministri Ashat Aimaǵambetov eshqandai taǵaiyndaý nemese jumystan bosatý sharalaryn júrgizbegenin habarlady.
Eske sala keteiik, buǵan deiin QR Sybailas jemqorlyqqa qarsy is-qimyl agenttigi iri kólemde biýdjet qarjysyn jymqyrý faktisi anyqtalǵanyn jáne QR Bilim jáne ǵylym ministriniń kómekshisi ustalǵanyn málim etken bolatyn.
