QR Bilim jáne ǵylym ministriniń buiryǵymen QR BǴM Bilim jáne ǵylym salasyndaǵy baqylaý komitetiniń tóraiymy laýazymyna oqý demalysy kezeńine Gúlzat Isbasarqyzy Kóbenova taǵaiyndaldy, dep habarlaidy "Ult aqparat".
Gúlzat Kóbenova 1968 jyly Aqtóbe oblysynda dúniege kelgen.
1998 jyly tarihshy, tarih jáne qoǵamtaný oqytýshysy mamandyǵy boiynsha Q. Jubanov atyndaǵy Aqtóbe memlekettik ýniversitetin támamdaǵan.
Eńbek jolyn 1998 jyly Q. Jubanov atyndaǵy Aqtóbe memlekettik ýniversitetiniń Qazaqstan tarihy kafedrasynyń oqytýshysy bolyp bastaǵan, ýniversitet dekanynyń orynbasary qyzmetin atqarǵan.
2004-2009 jyldary Aqtóbe memlekettik pedagogikalyq institýtynyń Ǵylym jáne halyqaralyq yntymaqtastyq bóliminiń basshysy, ǵylymi hatshy, dekannyń m.a. qyzmetterin atqardy.
2009 jylǵy qazan aiynan bastap memlekettik qyzmette jumys isteidi. QR mádeniet jáne aqparat, bilim jáne ǵylym ministrlikterinde túrli laýazymdardy atqarǵan.
2017 jylǵy shildede QR BǴM Joǵary jáne joǵary oqý ornynan keiingi bilim departamentiniń direktory bolyp taǵaiyndalǵan.
2018 jylǵy sáýir men 2019 jylǵy qańtar aralyǵynda QR Tuńǵysh Prezidenti – Elbasy kitaphanasy direktorynyń orynbasary bolyp qyzmet etti.
2019 jylǵy qańtardan bastap qazirgi tańǵa deiin Qazaqstan Respýblikasynyń Prezidenti Keńsesiniń sektor meńgerýshisi qyzmetin atqarǵan.
