Soltústik Qazaqstan oblysynda shekarashylar 500 litr dizel otynyn Reseige zańsyz ótkizbek bolǵan er adamnyń jolyn kesti, dep habarlaidy QazAqparat.
QR Ulttyq qaýipsizdik komiteti Shekara qyzmetiniń SQO boiynsha departamentiniń málimetinshe, fakti 28 naýryz kúni «Jańajol» avtomobil ótkizý pýnktinde anyqtalǵan. Shekarashylar SQO Memlekettik kirister departamenti eksperttik baqylaý basqarmasy mamandarymen birge kólikterdi tekserý barysynda 500 litr dizel otynyn shekaradan Reseige zańsyz alyp ótpek bolǵan Qazaqstan azamatyn toqtatty. Kólik júrgizýshisi «Mersedes» avtomashinasynda bolǵan. Ol artqan júgimen keri qaitaryldy.
Esterińizge salaiyq, 2021 jyldyń 21 qarashasynan bastap Qazaqstan aýmaǵynan benzin, dizel otynyn jáne munai ónimderiniń kei túrlerin avtomobil kóligimen shyǵarýǵa 6 aiǵa tyiym salynǵan.
