Shegirtkege qarsy himiialyq kúres sharalarynyń oryndalmaýy qaýpine bailanysty QR Aýyl sharýashylyǵy ministrligi «Imperator, 20% v.k.» pestitsidiniń memlekettik tirkeýin merziminen buryn toqtatty, dep habarlaidy "Ult aqparat".
«Endi bul himiialyq ónim Qazaqstanda qoldanylmaidy. 2018 jyly «Pestitsidy» JShS Qazaqstan aýmaǵyna úlken kólemde «Imperator 20% v.k.» (imidakloprid, 200 g/l) pestitsidin kirgizgen. Shegirtkege qarsy kúresý úshin paidalanylatyn preparattyń tirkeýshisi (iesi) «Shanhai MIO Kemikal Ko., Ltd.» bolyp sanalady. Respýblikanyń ońtústik aimaqtarynda «marokko» shegirtkesine qarsy himiialyq kúres júrgizý kezinde «Imperator, 20% v.k.» pestitsidi fitosanitariialyq qaýipsizdikti qamtamasyz etýge qoiylatyn talaptarǵa sáikes kelmeitini, onyń biologiialyq tiimdiligi tómen (30% - dan kem) ekenin kórsetti», - delingen QR AShM málimetinde.
Mamandardyń paiymynsha, atalmysh himiialyq ónimdi aldaǵy ýaqytta paidalaný 1,054 mln ga jerde shegirtkege qarsy kúres sharalarynyń tiimsiz bolýyna alyp kelýi múmkin. Mundai jaǵdailarda «Ósimdikterdi qorǵaý týraly» zańda «pestitsidti» memlekettik tirkeý kýáliginen aiyrý (qaitaryp alý) qarastyrylǵan.
«Osyǵan bailanysty, QR AShM Agroónerkásiptik keshendegi memlekettik inspektsiia komitetiniń № 333-N buiryǵymen 2019 jyldyń 12 jeltoqsanynan bastap «Imperator, 20% v.k.» pestitsidin merziminen buryn tirkeý kýáligin keri qaitaryp alyp, atalmysh himiialyq preparatty memlekettik tirkeýden ótkizýge tyiym saldy», - dep atalyp ótken ministrlik aqparatynda.
