شەگٸرتكەگە قارسى حيمييالىق كٷرەس شارالارىنىڭ ورىندالماۋى قاۋپٸنە بايلانىستى قر اۋىل شارۋاشىلىعى مينيسترلٸگٸ «يمپەراتور, 20% ۆ.ك.» پەستيتسيدٸنٸڭ مەملەكەتتٸك تٸركەۋٸن مەرزٸمٸنەن بۇرىن توقتاتتى, دەپ حابارلايدى "ۇلت اقپارات".
«ەندٸ بۇل حيمييالىق ٶنٸم قازاقستاندا قولدانىلمايدى. 2018 جىلى «پەستيتسيدى» جشس قازاقستان اۋماعىنا ٷلكەن كٶلەمدە «يمپەراتور 20% ۆ.ك.» (يميداكلوپريد, 200 گ/ل) پەستيتسيدٸن كٸرگٸزگەن. شەگٸرتكەگە قارسى كٷرەسۋ ٷشٸن پايدالانىلاتىن پرەپاراتتىڭ تٸركەۋشٸسٸ (يەسٸ) «شانحاي ميو كەميكال كو., لتد.» بولىپ سانالادى. رەسپۋبليكانىڭ وڭتٷستٸك ايماقتارىندا «ماروككو» شەگٸرتكەسٸنە قارسى حيمييالىق كٷرەس جٷرگٸزۋ كەزٸندە «يمپەراتور, 20% ۆ.ك.» پەستيتسيدٸ فيتوسانيتارييالىق قاۋٸپسٸزدٸكتٸ قامتاماسىز ەتۋگە قويىلاتىن تالاپتارعا سەيكەس كەلمەيتٸنٸ, ونىڭ بيولوگييالىق تيٸمدٸلٸگٸ تٶمەن (30% - دان كەم) ەكەنٸن كٶرسەتتٸ», - دەلٸنگەن قر اشم مەلٸمەتٸندە.
مامانداردىڭ پايىمىنشا, اتالمىش حيمييالىق ٶنٸمدٸ الداعى ۋاقىتتا پايدالانۋ 1,054 ملن گا جەردە شەگٸرتكەگە قارسى كٷرەس شارالارىنىڭ تيٸمسٸز بولۋىنا الىپ كەلۋٸ مٷمكٸن. مۇنداي جاعدايلاردا «ٶسٸمدٸكتەردٸ قورعاۋ تۋرالى» زاڭدا «پەستيتسيدتٸ» مەملەكەتتٸك تٸركەۋ كۋەلٸگٸنەن ايىرۋ (قايتارىپ الۋ) قاراستىرىلعان.
«وسىعان بايلانىستى, قر اشم اگروٶنەركەسٸپتٸك كەشەندەگٸ مەملەكەتتٸك ينسپەكتسييا كوميتەتٸنٸڭ № 333-ن بۇيرىعىمەن 2019 جىلدىڭ 12 جەلتوقسانىنان باستاپ «يمپەراتور, 20% ۆ.ك.» پەستيتسيدٸن مەرزٸمٸنەن بۇرىن تٸركەۋ كۋەلٸگٸن كەرٸ قايتارىپ الىپ, اتالمىش حيمييالىق پرەپاراتتى مەملەكەتتٸك تٸركەۋدەن ٶتكٸزۋگە تىيىم سالدى», - دەپ اتالىپ ٶتكەن مينيسترلٸك اقپاراتىندا.
