QR aýyl sharýashylyǵy ministriniń buiryǵymen Aýyl sharýashylyǵy ministrliginiń Veterinarlyq baqylaý jáne qadaǵalaý komitetiniń tóraǵasy laýazymyna Arman Óteǵulov taǵaiyndaldy, - dep habarlaidy "Ult aqparat" QR Premer-ministrdiń saityna silteme jasap.
Arman Óteǵulov 1964 jyly Batys Qazaqstan oblysynda dúniege kelgen. 1989 jyly Saratov memlekettik zootehnikalyq-veterinarlyq institýtyn "Mal dárigeri" mamandyǵy boiynsha támamdaǵan. 2007 jyly Batys Qazaqstan injenerlik-tehnikalyq ýniversitetin "Ekonomika bakalavry" mamandyǵy boiynsha bitirgen.
Eńbek jolyn 1982 jyly bastaǵan. 1989-1996 jyldary BQO Fýrmanov aýdany Aqkól keńsharynyń aǵa, bas mal dárigeri bolyp jumys istegen. 1996-1998 jyldary - BQO Qaztalov aýdany "Taldyapan" óndiristik kooperativiniń direktory qyzmetin atqardy.
1998-2013 jyldary Batys Qazaqstan oblysynyń Qaztalov, Qaratóbe, Terekti aýdandarynda ákim orynbasary qyzmetinde bolyp, 2013-2014 jyldary - BQO aýyl sharýashylyǵy basqarmasynyń basshysy qyzmetterin atqarǵan.
2014 jyldan bastap qazirgi ýaqytqa deiin Batys Qazaqstan oblysy ákiminiń orynbasary laýazymyn atqarǵan.
