Búgin fýtboldan Premer-liga komandalary arasyndaǵy Qazaqstan chempionaty 31-týrynyń bir oiyny ótkizildi, dep habarlaidy "Ult aqparat".
Bul kezdesý Qyzylorda qalasynda bolyp ótti. Jergilikti «Qaisar» óz alańynda «Atyraý» komandasyn qabyldady.
«Qaisar» komandasy biyl aldyna qoiǵan mejesin oryndady. Oblys basshylyǵy olardyń aldyna keler jyly eýrokýbok oiyndaryna qatysý mindetin qoiǵan edi. Esterińizge sala ketelik, 6 qazanda elordada ótken Qazaqstan kýbogy finalynda «Qaisar» «Atyraý» klýbyn 2:1 esebimen jeńdi. Nátijesinde biyl Qazaqstan kýbogynyń iegeri atandy.
Búgingi kezdesýde «Atyraý» komandasy alǵa umtyldy. Óitkeni, olar úshin árbir upaidyń mańyzy artyp tur. Qazir 20 upaimen týrnir kestesinde 11 orynda keledi. Nátijesinde olardyń qatarynan 39-minýtta Petr Gjelchak alań ieleri qaqpashysyn qapy qaldyryp ketti. Oiyn sońyna deiin osy esep ózgergen joq. «Qaisar» qarsylasynan 0:1 esebimen jeńilip qaldy.
Bul týrdaǵy qalǵan oiyndar 26 jáne 27 qazan kúnderi ótkiziledi. 26 qazanda «Shahter» men «Oqjetpes», «Ordabasy» men «Ertis», «Qairat» pen «Tobyl», 27 qazanda «Jetisý» men «Taraz», «Astana» men «Aqtóbe» komandalary kezdesedi.
