بٷگٸن فۋتبولدان پرەمەر-ليگا كوماندالارى اراسىنداعى قازاقستان چەمپيوناتى 31-تۋرىنىڭ بٸر ويىنى ٶتكٸزٸلدٸ, دەپ حابارلايدى "ۇلت اقپارات".
بۇل كەزدەسۋ قىزىلوردا قالاسىندا بولىپ ٶتتٸ. جەرگٸلٸكتٸ «قايسار» ٶز الاڭىندا «اتىراۋ» كومانداسىن قابىلدادى.
«قايسار» كومانداسى بيىل الدىنا قويعان مەجەسٸن ورىندادى. وبلىس باسشىلىعى ولاردىڭ الدىنا كەلەر جىلى ەۋروكۋبوك ويىندارىنا قاتىسۋ مٸندەتٸن قويعان ەدٸ. ەستەرٸڭٸزگە سالا كەتەلٸك, 6 قازاندا ەلوردادا ٶتكەن قازاقستان كۋبوگى فينالىندا «قايسار» «اتىراۋ» كلۋبىن 2:1 ەسەبٸمەن جەڭدٸ. نەتيجەسٸندە بيىل قازاقستان كۋبوگىنىڭ يەگەرٸ اتاندى.
بٷگٸنگٸ كەزدەسۋدە «اتىراۋ» كومانداسى العا ۇمتىلدى. ٶيتكەنٸ, ولار ٷشٸن ەربٸر ۇپايدىڭ ماڭىزى ارتىپ تۇر. قازٸر 20 ۇپايمەن تۋرنير كەستەسٸندە 11 ورىندا كەلەدٸ. نەتيجەسٸندە ولاردىڭ قاتارىنان 39-مينۋتتا پەتر گجەلچاك الاڭ يەلەرٸ قاقپاشىسىن قاپى قالدىرىپ كەتتٸ. ويىن سوڭىنا دەيٸن وسى ەسەپ ٶزگەرگەن جوق. «قايسار» قارسىلاسىنان 0:1 ەسەبٸمەن جەڭٸلٸپ قالدى.
بۇل تۋرداعى قالعان ويىندار 26 جەنە 27 قازان كٷندەرٸ ٶتكٸزٸلەدٸ. 26 قازاندا «شاحتەر» مەن «وقجەتپەس», «ورداباسى» مەن «ەرتٸس», «قايرات» پەن «توبىل», 27 قازاندا «جەتٸسۋ» مەن «تاراز», «استانا» مەن «اقتٶبە» كوماندالارى كەزدەسەدٸ.
