Búgin fýtboldan Premer-liga komandalary arasyndaǵy el birinshiliginiń on segizinshi týry máresine jetti, dep habarlaidy "Ult aqparat".
Atalǵan týrdaǵy sońǵy kezdesý Atyraý qalasynda ótkizildi. Jergilikti «Atyraý» óz alańynda «Qaisar» komandasyn qabyldady. Oiyn barysynda eki komandanyń da jeńiske jetýge múmkindigi zor boldy. Dese de olardyń kóbisinde dittegen maqsatyna jete alǵan joq.
Oiynnyń 4-minýtynda atyraýlyq komandadan Petr Gjelchak mergendik tanytsa, 74-minýtta qyzylordalyq Dýman Nárzildaev tarazy basyn teńestirdi. Kezdesý 1:1 esebimen teń aiaqtaldy.
Sondai-aq, búgin taǵy bir kezdesýde «Kaspii» men «Turan» 0:0, «Tobyl» men «Qairat» 2:2 esebine qanaǵat bildirse, «Aqjaiyq» «Taraz» komandasyn 3:0 esebimen jeńdi.
Al keshe, 27 maýsymda taǵy úsh oiyn ótkizildi. Óz alańynda «Qyzyljar» «Astanadan» 3:2, «Shahter» «Aqtóbeden» esebimen 1:0, «Ordabasy» «Jetisýdan» 3:0 esebimen basym tústi.
Endi kelesi týr oiyndary 2, 3, 4 shilde kúnderi ótkiziledi.
