Fýtboldan Premer-liga komandalary arasyndaǵy el birinshiliginiń on ekinshi týryndaǵy taǵy eki kezdesýdiń nátijesi belgili boldy, dep habarlaidy "Ult aqparat".
Aqtaýdyń «Kaspii» komandasy óz alańynda Qaraǵandynyń «Shahterin» 3:0 esebimen súrindirdi. Atalǵan kezdesýde alań ieleri qatarynan David Karaev 2, 30-minýttarda mergendik tanytsa, Ýadjdi Sali 9-minýtta kózdegen nysanadan múlt ketken joq.
Al «Taraz» óz alańynda kósh sońynda kele jatqan Taldyqorǵannyń «Jetisýyna» 2:3 esebimen jol berdi. Oiyn barysynda tarazdyqtar qatarynan Pedro Eýjenio 2-minýtta esep ashsa, 70-minýtta Baýyrjan Baitana gol soqty. Al olardyń qatarynan Berik Shaiyqov 47-minýtta óz qaqpasyna soǵylǵan avtogol avtory atansa, Taldyqorǵandy Artem Dmitriev 32, Aibar Jaqsylyqov 72-minýtta qanjyǵasyn mailady.
Sondai-aq, búgin «Atyraý» men «Ordabasy», «Tobyl» (Qostanai) men «Qyzyljar» (Petropavl) komandalary sheberlik baiqasady.
Al keshe, Oraldyń «Aqjaiyǵy» Túrkistanda «Turandy» 2:0, elordalyq «Astana» Qyzylordada «Qaisardy» 5:2 esebimen jeńdi. Al Almatyda «Qairat» «Aqtóbeni» 4:2 esebimen tize búktirdi.
