فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون ەكٸنشٸ تۋرىنداعى تاعى ەكٸ كەزدەسۋدٸڭ نەتيجەسٸ بەلگٸلٸ بولدى, دەپ حابارلايدى "ۇلت اقپارات".
اقتاۋدىڭ «كاسپيي» كومانداسى ٶز الاڭىندا قاراعاندىنىڭ «شاحتەرٸن» 3:0 ەسەبٸمەن سٷرٸندٸردٸ. اتالعان كەزدەسۋدە الاڭ يەلەرٸ قاتارىنان داۆيد كاراەۆ 2, 30-مينۋتتاردا مەرگەندٸك تانىتسا, ۋادجدي سالي 9-مينۋتتا كٶزدەگەن نىسانادان مٷلت كەتكەن جوق.
ال «تاراز» ٶز الاڭىندا كٶش سوڭىندا كەلە جاتقان تالدىقورعاننىڭ «جەتٸسۋىنا» 2:3 ەسەبٸمەن جول بەردٸ. ويىن بارىسىندا تارازدىقتار قاتارىنان پەدرو ەۋجەنيو 2-مينۋتتا ەسەپ اشسا, 70-مينۋتتا باۋىرجان بايتانا گول سوقتى. ال ولاردىڭ قاتارىنان بەرٸك شايىقوۆ 47-مينۋتتا ٶز قاقپاسىنا سوعىلعان اۆتوگول اۆتورى اتانسا, تالدىقورعاندى ارتەم دميتريەۆ 32, ايبار جاقسىلىقوۆ 72-مينۋتتا قانجىعاسىن مايلادى.
سونداي-اق, بٷگٸن «اتىراۋ» مەن «ورداباسى», «توبىل» (قوستاناي) مەن «قىزىلجار» (پەتروپاۆل) كوماندالارى شەبەرلٸك بايقاسادى.
ال كەشە, ورالدىڭ «اقجايىعى» تٷركٸستاندا «تۇراندى» 2:0, ەلوردالىق «استانا» قىزىلوردادا «قايساردى» 5:2 ەسەبٸمەن جەڭدٸ. ال الماتىدا «قايرات» «اقتٶبەنٸ» 4:2 ەسەبٸمەن تٸزە بٷكتٸردٸ.
