Global Sports Salaries kompaniiasy birqatar zertteýler júrgizip, álem boiynsha barlyq chempionattardaǵy fýtbolshylardyń jalaqysyn anyqtady, dep habarlaidy Sports.kz.
Bul tizimde Qazaqstan Premer-Ligasy da bar. Global Sports Salaries deregi boiynsha, Qazaqstan Premer-Ligasynyń negizgi quramynyń fýtbolshysy orta eseppen jylyna 148 513 dollar (aiyna 12 376 dollar) tabady. Osy kórsetkish boiynsha QPL álemde 25-orynda tur.
Fýtbolshylarǵa beriletin aqy boiynsha Angliia kósh bastap tur - jylyna 3 935 197 dollar. Sondai-aq, úzdik úshtikte Ispaniia - 2 896 151 dollar jáne Italiia - 1 999 865 dollar bar. Qazaqstan chempionaty Ońtústik Koreia, Aýstraliia, Polsha, Horvatiia jáne basqa ligalardan joǵary orynda.
