Búgin fýtboldan Premer-liga komandalary arasyndaǵy el birinshiliginiń on tórtinshi týry máresine jetti, dep habarlaidy QazAqparat tilshisi.
Atalǵan týrdaǵy sońǵy eki oiynnyń birinde «Atyraý» óz alańynda Oraldyń «Aqjaiyq» klýbynan 2:1 esebimen basym tústi. Kezdesý barysynda alań ieleri qatarynan Aleksei Rodionov 46, Silva Garsiia Braian 58-minýtta mergendik tanytty. Osylaisha «Atyraý» tórt oiyn qatarynan jeńilmei keledi. Onyń úsheýinde qarsylastaryn qapy qaldyryp ketti.
Al Qostanaidyń «Tobyly» óz alańynda «Aqtóbeni» 2:1 esebimen jeńdi. Oiynda qostanailyq Azat Nurǵaliev 17-minýtta penaltiden múlt ketpese, 29-minýtta Dmitrii Miroshnichenko esepti ústemelei tústi. Al 87-minýtta oǵan aqtóbelik Boian Dýbaiich bir golmen jaýap qaiyrdy.
Eske salsaq, búgin atalǵan týrda budan buryn taǵy eki kezdesý ótkizildi. «Kaspii» men «Astana» 2:2, «Ordabasy» men «Shahter» 0:0 esebimen teń tústi.
Sondai-aq, keshe, 28 mamyrda atalǵan týrda úsh match ótkizildi. «Qyzyljar» men «Taraz» kezdesýinde 2:2 esebi tirkelse, «Qairat» óz alańynda «Qaisardy» 1:0 esebimen jeńdi. Al óz alańynda Túrkistannyń «Turany» Taldyqorǵannyń «Jetisýyna» 0:2 esebimen jol berdi.
Endi on besinshi týr oiyndary 12 jáne 13 maýsym kúnderi ótkiziledi.
