قپل: «اتىراۋ» تٶرت ويىن بويى جەڭٸلمەي كەلەدٸ

بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون تٶرتٸنشٸ تۋرى مەرەسٸنە جەتتٸ, دەپ حابارلايدى قازاقپارات تٸلشٸسٸ.

اتالعان تۋرداعى سوڭعى ەكٸ ويىننىڭ بٸرٸندە «اتىراۋ» ٶز الاڭىندا ورالدىڭ «اقجايىق» كلۋبىنان 2:1 ەسەبٸمەن باسىم تٷستٸ. كەزدەسۋ بارىسىندا الاڭ يەلەرٸ قاتارىنان الەكسەي روديونوۆ 46, سيلۆا گارسييا برايان 58-مينۋتتا مەرگەندٸك تانىتتى. وسىلايشا «اتىراۋ» تٶرت ويىن قاتارىنان جەڭٸلمەي كەلەدٸ. ونىڭ ٷشەۋٸندە قارسىلاستارىن قاپى قالدىرىپ كەتتٸ. 

ال قوستانايدىڭ «توبىلى» ٶز الاڭىندا «اقتٶبەنٸ» 2:1 ەسەبٸمەن جەڭدٸ. ويىندا قوستانايلىق ازات نۇرعاليەۆ 17-مينۋتتا پەنالتيدەن مٷلت كەتپەسە, 29-مينۋتتا دميتريي ميروشنيچەنكو ەسەپتٸ ٷستەمەلەي تٷستٸ. ال 87-مينۋتتا وعان اقتٶبەلٸك بويان دۋباييچ بٸر گولمەن جاۋاپ قايىردى. 

ەسكە سالساق, بٷگٸن اتالعان تۋردا بۇدان بۇرىن تاعى ەكٸ كەزدەسۋ ٶتكٸزٸلدٸ. «كاسپيي» مەن «استانا» 2:2, «ورداباسى» مەن «شاحتەر» 0:0 ەسەبٸمەن تەڭ تٷستٸ. 

سونداي-اق, كەشە, 28 مامىردا اتالعان تۋردا ٷش ماتچ ٶتكٸزٸلدٸ. «قىزىلجار» مەن «تاراز» كەزدەسۋٸندە 2:2 ەسەبٸ تٸركەلسە, «قايرات» ٶز الاڭىندا «قايساردى» 1:0 ەسەبٸمەن جەڭدٸ. ال ٶز الاڭىندا تٷركٸستاننىڭ «تۇرانى» تالدىقورعاننىڭ «جەتٸسۋىنا» 0:2 ەسەبٸمەن جول بەردٸ. 

ەندٸ ون بەسٸنشٸ تۋر ويىندارى 12 جەنە 13 ماۋسىم كٷندەرٸ ٶتكٸزٸلەدٸ.