Búgin fýtboldan Premer-liga komandalary arasyndaǵy el birinshiliginiń on segizinshi týrynda eki oiynnyń nátijesi belgili boldy, dep habarlaidy "Ult aqparat".
Alǵashqy kezdesýde Petropavlda «Qyzyljar» men elordalyq «Astana» sheberlik baiqasty. Oiyn barysynda alań ieleri jinaqy qimyl kórsetti. Olardyń qatarynan Maksim Drachenko 3, Iýrii Býshman 9-minýttarda mergendik tanytty. Al 51-minýtta elordalyq Islambek Qýat esep aiyrmasyn qysqartty. Odan keiin 68-minýtta petropavldyq komandadan Darko Zorich qaitadan «Qyzyljardyń» basymdyǵyn arttyrdy. Elordalyq shabýylshy Abat Aiymbetov 86-minýtta gol soǵyp, komandasyna úmit syilaǵan edi.
Kezdesýde «Qyzyljar» qarsylasyn 3:2 esebimen tize búktirdi. Bul - «Astananyń» qatarynan ekinshi jeńilisi.
Taǵy bir kezdesýde Qaraǵandynyń «Shahteri» óz alańynda «Aqtóbeden» 1:0 esebimen basym tústi. Kezdesý taǵdyryn 68-minýtta qaraǵandylyq Jan-Áli Pairýz soqqan jalǵyz gol sheshti.
Sondai-aq, búgin atalǵan týrda Shymkenttiń «Ordabasy» klýby óz alańynda Taldyqorǵannyń «Jetisýyn» qabyldaidy.
Qalǵan tórt oiyn erteń, 28 maýsymda ótkiziledi. Bul kúni «Aqjaiyq» pen «Taraz», «Tobyl» men «Qairat», «Kaspii» men «Turan», «Atyraý» men «Qaisar» jasyl alańǵa shyǵady.
