Premer-ministrdiń orynbasary Gúlshara Ábdiqalyqova Tuńǵysh Prezidenttiń ókilettigin toqtatý týraly sheshimin qalai qabyldaǵanyn aitty, dep habarlaidy Sputnik Qazaqstan tilshisi.
Ábdiqalyqova Nursultan Nazarbaevtyń el úshin mańyzy zor úlken sheshim qabyldaǵanyn atap ótti.
"Árine, júregimizde bir qimastyq bar. Nursultan Ábishuly bizdiń táýelsiz memleketimizdiń negizin qalaýshy, naryqtyq ekonomikaǵa negizdelgen jańa memleket qurdy, jańa memlekettik basqarý jáne naqty belgilengen shekarasy bar Qazaqstandy qurdy", - dedi ol jýrnalisterge parlament palatalarynyń birlesken otyrysynyń aldynda.
Úkimet basshysynyń orynbasary bul jańalyqty keshe saǵat jetide óz kabinetinde teledidardan estigenin aitty.
"Qimastyq sezimmen kózime jas keldi, shyn aitamyn", - dedi Ábdiqalyqova.
Onyń pikirinshe, Elbasynyń bul sheshimi Qazaqstannyń damýdyń jańa kezeńine ótkenin bildiredi.
Eske sala ketsek, keshe Qazaqstannyń Tuńǵysh Prezidenti Nursultan Nazarbaev respýblika halqyna arnaǵan úndeýinde prezidenttik ókilettigin toqtatatynyn málimdegen edi. Prezidenttiń ókilettigi merziminen buryn toqtatylǵan jaǵdaida, onyń ókilettigi qalǵan merzimi aiaqtalǵanǵa deiin Senat tóraǵasyna beriledi. Osylaisha, Qazaqstan prezidenti mindetin ýaqytsha atqarý senattyń qazirgi tóraǵasy Qasym-Jomart Toqaevqa júkteldi.
Aita ketsek, Nursultan Nazarbaev Qazaqstannyń qaýipsizdik keńesi men "Nur Otan" partiiasynyń basshysy bolyp qala beredi.
.jpeg)