Parlament Senatynyń jalpy otyrysynda depýtat Qairat Qojamjarov Ulttyq ulannyń materialdyq-tehnikalyq jabdyqtalýyna nazar aýdaryp, Úkimet basshysynyń atyna depýtattyq saýal joldady, dep habarlaidy "Ult aqparat".
«Ulttyq ulan áskeri bólimsheleri elimizdegi qoǵamdyq qaýipsizdik pen azamattardyń quqyqtaryn qorǵaýda erekshe oryn alady. Ásirese, tótenshe jaǵdai kezinde olar ómirleri men densaýlyqtaryna qaýip-qaterge qaramastan, óz áskeri mindetterin abyroimen oryndaýda. Ulttyq ulannyń áskeri daiyndyǵy men qyzmettik qabilettiliginiń joǵary deńgeide bolýy – el turaqtylyǵynyń kepili. Sol sebepti osy salada sońǵy jyldary sheshimin tappai júrgen júieli máselelerdi qarastyrýlaryńyzdy suraimyz», - dedi senator Premer-Ministrge joldaǵan depýtattyq saýalynda.
Osy oraida Q. Qojamjarov áskeri bólimshelerdi zamanaýi qarý-jaraqpen, arnaiy jáne jeke qorǵanys quraldarymen jabdyqtaý máselesine toqtaldy.
Sonymen qatar depýtat Ulttyq ulan áskeri qyzmetshilerin turǵyn úimen qamtý jáne jalpy áskeri tamaqtandyrý qunyna qatysty máselelerge de toqtalyp, aitylǵan túitkilderdi sheshý joldaryn usyndy.
