Búgin Úkimet otyrysynda Saýda jáne integratsiia vitse-ministri Erjan Qazanbaev kóterme taratý ortalyqtary qashan salynatynyn aitty, dep habarlaidy QazAqparat.
«Saýda salasyndaǵy memlekettik saiasattyń negizgi mindeti – keshendi saýda-logistikalyq infraqurylym qurý arqyly óndirýshiden tutynýshyǵa deiingi saýda-ótkizý tizbegin qurý bolyp sanalady. Ulttyq taýar ótkizý júiesin qurýdyń birinshi kezeńi aiasynda Memlekettik-jekeshelik áriptestik sharty jasaldy. Qazir jobalyq-smetalyq qujattama ázirlenip jatyr. 2022 jylǵy qańtarǵa deiin 2 kóterme taratý ortalyǵyn jańǵyrtyp tapsyrý josparlanyp otyr», - dedi E. Qazanbaev.
Onyń aitýynsha, qalǵan kóterme taratý ortalyqtarynyń qurylysyn 2022 jyldyń qańtar aiynda bastap, tamyz aiyna deiin aiaqtaý josparlanyp otyr.
«Ekinshi kezeńde 17 kóterme taratý ortalyǵyn salý josparlanýda. Jeke áriptespen birlesip, marketingtik taldaý júrgizildi, jer ýchaskeleriniń 70 paiyzy anyqtaldy jáne olardy bólý boiynsha rásimder bastaldy. Ekinshi kezeń boiynsha Memlekettik-jekeshelik áriptestik shartyn jasasý 2022 jylǵy sáýirde, al paidalanýǵa tapsyrý 2024 jylǵy tamyzda josparlanǵan», - dedi vitse-ministr.
Budan buryn habarlanǵandai, 2021-2025 jyldary kezeńinde «Ulttyq taýar jetkizýshi júiesin» qurý maqsatynda aýyl sharýashylyǵy ónimderin saqtaý jáne satý boiynsha 24 kóterme taratý ortalyǵy salynady.
