بٷگٸن ٷكٸمەت وتىرىسىندا ساۋدا جەنە ينتەگراتسييا ۆيتسە-مينيسترٸ ەرجان قازانباەۆ كٶتەرمە تاراتۋ ورتالىقتارى قاشان سالىناتىنىن ايتتى, دەپ حابارلايدى قازاقپارات.
«ساۋدا سالاسىنداعى مەملەكەتتٸك ساياساتتىڭ نەگٸزگٸ مٸندەتٸ – كەشەندٸ ساۋدا-لوگيستيكالىق ينفراقۇرىلىم قۇرۋ ارقىلى ٶندٸرۋشٸدەن تۇتىنۋشىعا دەيٸنگٸ ساۋدا-ٶتكٸزۋ تٸزبەگٸن قۇرۋ بولىپ سانالادى. ۇلتتىق تاۋار ٶتكٸزۋ جٷيەسٸن قۇرۋدىڭ بٸرٸنشٸ كەزەڭٸ اياسىندا مەملەكەتتٸك-جەكەشەلٸك ەرٸپتەستٸك شارتى جاسالدى. قازٸر جوبالىق-سمەتالىق قۇجاتتاما ەزٸرلەنٸپ جاتىر. 2022 جىلعى قاڭتارعا دەيٸن 2 كٶتەرمە تاراتۋ ورتالىعىن جاڭعىرتىپ تاپسىرۋ جوسپارلانىپ وتىر», - دەدٸ ە. قازانباەۆ.
ونىڭ ايتۋىنشا, قالعان كٶتەرمە تاراتۋ ورتالىقتارىنىڭ قۇرىلىسىن 2022 جىلدىڭ قاڭتار ايىندا باستاپ, تامىز ايىنا دەيٸن اياقتاۋ جوسپارلانىپ وتىر.
«ەكٸنشٸ كەزەڭدە 17 كٶتەرمە تاراتۋ ورتالىعىن سالۋ جوسپارلانۋدا. جەكە ەرٸپتەسپەن بٸرلەسٸپ, ماركەتينگتٸك تالداۋ جٷرگٸزٸلدٸ, جەر ۋچاسكەلەرٸنٸڭ 70 پايىزى انىقتالدى جەنە ولاردى بٶلۋ بويىنشا رەسٸمدەر باستالدى. ەكٸنشٸ كەزەڭ بويىنشا مەملەكەتتٸك-جەكەشەلٸك ەرٸپتەستٸك شارتىن جاساسۋ 2022 جىلعى سەۋٸردە, ال پايدالانۋعا تاپسىرۋ 2024 جىلعى تامىزدا جوسپارلانعان», - دەدٸ ۆيتسە-مينيستر.
بۇدان بۇرىن حابارلانعانداي, 2021-2025 جىلدارى كەزەڭٸندە «ۇلتتىق تاۋار جەتكٸزۋشٸ جٷيەسٸن» قۇرۋ ماقساتىندا اۋىل شارۋاشىلىعى ٶنٸمدەرٸن ساقتاۋ جەنە ساتۋ بويىنشا 24 كٶتەرمە تاراتۋ ورتالىعى سالىنادى.
