© Photo: Qaraǵandy oblysy ákimdiginiń baspasóz qyzmeti
Memleket qaza tapqan kenshilerdiń otbasylaryna ári qarai da qoldaý kórsetedi. Bul týraly Qaraǵandy oblysynyń ákimi Ermaǵanbet Bólekpaev málimdedi, - dep habarlaidy Massaget.kz.
"ArselorMittal Temirtaý" óz tarapynan 10 jyldyq jalaqyny tóledi, ol soma 3 mlrd teńgeden asyp otyr. Kompaniiadan osynsha qarjy bólindi. Qazirgi tańda 44 otbasy kómekti aldy, qalǵan 2 azamattyń qujattary rettelip jatyr.
Nesie boiynsha aitar bolsaq, qaza tapqan kenshilerdiń, jubailarynyń, ata-analary men balalarynyń 300 mln teńge kólemindegi nesieleri óteldi. Bul jumys ári qarai da jalǵasady. Jerleý, mazaryn kóterý jáne taǵy basqa jumystaryna "ArselorMittal" tólep jatyr, - dedi oblys ákimi OKQ-da ótip jatqan brifingte.
Sondai-aq Bólekpaev qazir zardap shekken tórt adam meditsinalyq mekemelerde em alyp jatqanyn atap ótti.
"Dárigerler olardyń jaǵdaiyn ortasha jáne jeńil dep baǵalaidy. Patsientter barlyq qajetti meditsinalyq kómekti alyp jatyr, - dedi ol.
Eske salaiyq, Qaraǵandy oblysyndaǵy Kostenko shahtasynda bolǵan apattan 46 adam qaitys bolǵan edi.
