Qostanai oblysynyń turǵyndary kommýnaldyq qyzmetterge 400 mln teńge qaryz. Bul týraly oblystyq energetika jáne TKSh basqarmasynyń basshysy Almat Isenbaev aityp berdi, dep habarlaidy QazAqparat.
Qostanailyqtardyń qaryzdary jyl sanap kóbeiip barady.
«Turǵyndar eń kóbi jylýǵa qaryz – 254 mln teńge. Sýmen qamtý boiynsha 74 mln, elektrge - 35 mln, gazǵa - 23 mln teńge qaryz», - dedi A.Isenbaev.
Oblystyń kommýnaldyq kásiporyndary jalpy somasy 156 mln teńge bolatyn 3196 talap aryz bergen. Budan bólek, jalpy somasy 83,5 mln teńge bolatyn 1900 talap boiynsha sot sheshimderi jáne oryndaý qaǵazdary bar. Qazirge deiin jalpy somasy 44,3 mln teńgeni quraityn 875 talap oryndalǵan.
Almat Isenbaevtyń aitýynsha, jyl basynan beri «QazTransGaz Aimaq» AQ gaz baǵasyn turǵyndarǵa jylý beretin kásiporyndar úshin - 20%, zańdy tulǵalarǵa jylý beretin kásiporyndar úshin - 3% arzandatqan.
