Qostanaidyń «Allur» komandasy fýtzaldan Qazaqstan Respýblikasynyń chempiony atandy, dep habarlaidy QazAqparat.
Mereke kúnderi elordada ótken Qazaqstan Respýblikasynyń VI chempionaty osy sport túrinen úzdik ókilderdiń basyn qosty.
Qostanailyq komanda finalǵa jetkenshe kelesi komandalarmen kezdesti: «Beineý» (Mańǵystaý) – 10:1; «Beket» (SQO) – 4:4; «Korkem-Kazaly» (Qyzylorda) – 5:4; «Tulpar» (Pavlodar) – 8:2; «Jiger» (Atyraý) – 7:3; «Qaisar Plaza» (Almaty) – 4:1; «Biosfera» (Qaraǵandy) – 2:2, penalti boiynsha 5:4.
Finaldyq kezdesýde TChE-14 (Qaraǵandy) pen «Allur» (Qostanai) arasynda tartysty jekpe-jek ótip, Aleksei Zabogonskii jalǵyz jeńis golynyń avtory atandy.
Chempionattyń úzdik oiynshysy bolyp Ashat Taibasarov (Allur) atandy.
