29 shildede Qostanaidaǵy kóshelerdiń birine Nursultan Nazarbaevtyń esimin berýge bailanysty qoǵamdyq tyńdaý ótedi. Sebebi qala ákimi Qairat Ahmetovtyń atyna bastamashyl top birneshe ret ótinish hat jazǵan, dep habarlaidy QazAqparat.
Qostanaidaǵy Avtomobil transporty kolledjiniń pedagogtary men stýdentteri bar bastamashy top Gagarin kóshesin QR Tuńǵysh Prezident atyndaǵy dańǵylǵa ainaldyrý jóninde ujymdyq hat jazǵan. Buǵan qosa olar Gvardeiskii kóshesin Gagarin kóshesine aýystyrýdy usynǵan.
«QR Prezidenti Q.Toqaev Tuńǵysh Prezidentimiz N.Nazarbaevtyń esimin oblys ortalyqtaryndaǵy kóshelerdiń birine berý týraly bastama kótergen bolatyn. Elbasynyń strategiialyq bastamalary arqasynda Qazaqstan integratsiialyq úderisterdiń basty lokomotivine ainaldy. Respýblikamyz iri jáne bedeldi halyqaralyq uiymdardyń belsendi qatysýshysy sanalady. Qazaqstan álemniń eń damyǵan 30 eline kirý protsesinde kásipqoi kadrlardy daiarlaý isin mańyzdy faktorlardyń biri retinde sanaidy. Nursultan Nazarbaev ekonomikany qajetti eńbek resýrstarymen qamtamasyz etý máselesinde tehnikalyq jáne kásiptik bilim berýdi damytýǵa erekshe mán berdi. Bizdiń kolledj Gagarin kóshesinde ornalasqan. Iýrii Gagarin – ǵaryshqa ushqan alǵashqy adam. Álemdegi alǵashqy ǵaryshkerdiń aty umytylmaidy», — delingen bastamashyl toptyń hatynda.
Kolledjdiń usynysyn Nazarbaev ziiatkerlik mektebi, «AgromashHolding» kásiporny, Ortalyq stadion basshylyǵy jáne basqa da kóptegen ujymdar biraýyzdan qoldady. Belsendiler Iýrii Gagarin esimin Gvardeiskii kóshesine kóshirý týraly usynysty mańyzdy dep esepteidi. Bul máselelerge qatysty qoǵamdyq tyńdaý 29 shilde kúni ótedi.
