Qostanaidyń burynǵy ákimi Bazyl Jaqypov qaitys boldy. Bul týraly "Bizdiń Qostanai" basylymynda jariialanǵan, - dep habarlaidy "Ult aqparat".
BAQ-tyń habarlaýynsha, Bazyl Jaqypov uzaq ýaqyttan beri aýyryp jatqan.
Onyń sońǵy jumys oryndarynyń biri "Tobyl "ÁKK" AQ boldy. 2019 jyldyń qyrkúieginde Basqarma tóraǵasy bolyp taǵaiyndaldy, biraq 2020 jyldyń naýryzynda densaýlyǵyna bailanysty korporatsiiadan ketti.
Bazyl Jaqypov 1965 jyly 5 qańtarda Aqmola oblysynyń Jaqsy aýdany Terisaqqan aýylynda dúniege kelgen.
Tselinograd aýyl sharýashylyǵy institýtynyń agronomiia fakýltetin (1991) ǵalym-agronom mamandyǵy boiynsha, Almaty Ekonomika jáne statistika institýtynyń ekonomika jáne qarjy fakýltetin (2006) qarjyger mamandyǵy boiynsha bitirgen.
2012 jyldyń aqpan aiynan bastap Qostanai oblysy ákiminiń orynbasary qyzmetin atqardy. Aýyl sharýashylyǵy, jer qatynastary, tabiǵi resýrstar jáne tabiǵat paidalanýdy retteý, jergilikti aýqymdaǵy tótenshe jaǵdailardyń aldyn alý jáne olardy joiý, Azamattyq qorǵanys máselelerine jetekshilik etti.
2015 jyldyń qyrkúieginen 2019 jyldyń aqpanyna deiin Qostanai qalasynyń ákimi qyzmetin atqardy.
