16 jeltoqsan kúni oblys ortalyǵy - Qostanai qalasynda biiktigi 22 metrlik shyrsha ornatylady. Bul týraly qalalyq ákimdikte ótken jiynda aityldy, dep habarlaidy "Ult aqparat" QazAqparat agenttigine siltem jasap.
Qostanai qalasy ákimdiginiń mádeniet jáne tilderdi damytý bóliminiń basshysy Qarlyǵash Madiiarovanyń aitýynsha, basty shyrsha 600 jaryqdiodty pikseldermen bezendiriledi.
«16 jeltoqsanda saǵat 12:00-de oblystyq ákimshilik aldynda kontserttik baǵdarlama ótedi. Osy kúni keshke basty shyrsha jaǵylady. Buǵan qosa, Gashek kóshesi men KSK shaǵyn aýdanynda taǵy eki shyrsha ornatylady. Tobyl ózeniniń jaǵalaýynda syrǵanaq turǵyzylyp, ortalyqta muz qalashyǵy boi kóteredi», - dedi bólim basshysy.
Jalpy, qalany Jańa jyl merekesine orai bezendirýge 18 mln teńge bólingen. Daiyndyq jumystary 1 jeltoqsanda bastalady.
