Foto: TJD
Qostanaida ýniversitet ǵimaratynan órt shyǵyp, stýdentter evakýatsiialandy, - dep habarlaidy Tengrinews.kz.
Jelide evakýatsiia sáti túsirilgen video paida boldy. Táýelsizdik kóshesinde ornalasqan Ahmet Baitursynov atyndaǵy QÓÝ ǵimaratyndaǵy keńselerdiń birinde keńse tehnikasy órtengeni belgili boldy.
"7-qabatta oqý bólmesinde keńse tehnikasy órtenip, 2 sharshy metr aýmaqty sharpydy. Órtsóndirýshiler oqiǵa ornyna 3 minýttan soń jetip, órtti sóndirýge kiristi. Ǵimarattan adamdar evakýatsiialandy. Barlyǵy órtti sóndirýge jeke quramnyń 19 adamy men 6 tehnikasy jumyldyryldy", - dedi Qostanai oblysy Tótenshe jaǵdailar departamentiniń baspasóz qyzmeti ókilderi.
Saǵat 11:15-te órt sóndirildi. Qurbandar men zardap shekkender joq.
Ýniversitet málimetinshe, tútin shyqqan kezde bólmede stýdentter bolmaǵan. Dabyl avtomatty túrde qosylǵan, sondyqtan ǵimarattaǵy barlyq stýdent pen muǵalimder evakýatsiialanǵan.
