Qostanai oblysyndaǵy órtten zardap shekken otbasylardyń balalary Shýchinsk qalasyndaǵy «Baldáýren» respýblikalyq oqý-saýyqtyrý lagerine kele bastady. Qazirdiń ózinde 11 oqýshy ornalasty. Olar lagerde bilim alady jáne emdeledi, - dep habarlady Oqý-aǵartý ministrliginiń baspasóz qyzmeti.
«Baldáýrenge» Qostanai oblysynda úileri órtten zardap shekken otbasylardyń balalary attandy. Lagerge ata-analarynyń kelisimimen baspanasy búlinbegen, biraq qaýipsizdik maqsatynda órt qaýpi bar aimaqtardan kóshirilgen otbasylardyń balalary da kele alady.
«Sondai-aq Almatydaǵy bastaýysh synyp oqýshylaryna baǵyttalǵan «Bóbek» oqý-saýyqtyrý ortalyǵy da bastaýysh synyp oqýshylaryn qabyldaýǵa daiyn. Balalarǵa kúndelikti máselelerdi sheshkenge deiin osynda saýyqtyrýdan ótýge jáne lagerdegi mektepke barýǵa yńǵaily bolady. Olarǵa qolaily jaǵdai jasalǵan», – deidi Balalardyń quqyqtaryn qorǵaý komiteti tóraǵasynyń orynbasary Dýlat Jekebaev.
Buǵan deiin Oqý-aǵartý ministrligi Qostanai oblysyndaǵy zardap shekken balalarǵa kómek kórsetý jáne ońaltý maqsatynda «Baldáýren» jáne «Bóbek» respýblikalyq oqý-saýyqtyrý ortalyqtaryna joldamalar uiymdastyrǵan bolatyn.
