Qostanai oblysyndaǵy demalys bazasynda bes jasar qyzǵa aiý shapty. Bala aýrýhanaǵa jetkizildi, - dep habarlaidy "Ult aqparat" Qostanai oblysy IID baspasóz qyzmetine silteme jasap.
Oqiǵany kýágerler men qyzdyń týystary áleýmettik jelilerde jariialaǵan. Olardyń aitýynsha, oqiǵa 5 qyrkúiekte "Radýga" demalys bazasynda bolǵan. Bes jasar qyzy bar áiel aiýdyń toryna birinshi ret jaqyndap barǵanda, ol tynysh jatqan. Alaida, keiin qyz torǵa jalǵyz barǵan, sol sátte jyrtqysh balany tistep alǵan. Ony ata-anasy men demalýshylar qutqaryp alǵan.
Qostanai oblysynyń Politsiia departamenti aqparatty rastady. Derekke qatysty Qylmystyq kodekstiń 114-baby "Densaýlyqqa abaisyzda ziian keltirý" boiynsha sotaldy tergeý bastalǵan. Bap sanktsiiasy 80 AEK-ke deiingi mólsherde aiyppul salý, ne sol mólsherde túzeý jumystaryna tartý nemese 20 táýlikke deiin qamaýǵa alýdy qarastyrady. Bastapqy tergeý áreketteri júrgizilgen.
Demalys ortalyǵyna kelýshilerdiń aitýynsha, aiý qazirgi ýaqytta "Radýga" aýmaǵynda torda jatyr. Tor mańyna saqtyq sharalary týraly aqparat bar eskertý belgileri qoiylǵan.
Aiýdyń oqiǵasy týraly jergilikti BAQ eki jyl buryn habarlaǵan bolatyn. Demalys ortalyǵynyń iesi janýardy burynǵy ielerinen alǵan.
