قوستاناي وبلىسىنداعى دەمالىس بازاسىندا بەس جاسار قىزعا ايۋ شاپتى. بالا اۋرۋحاناعا جەتكٸزٸلدٸ, - دەپ حابارلايدى "ۇلت اقپارات" قوستاناي وبلىسى ٸٸد باسپاسٶز قىزمەتٸنە سٸلتەمە جاساپ.
وقيعانى كۋەگەرلەر مەن قىزدىڭ تۋىستارى ەلەۋمەتتٸك جەلٸلەردە جارييالاعان. ولاردىڭ ايتۋىنشا, وقيعا 5 قىركٷيەكتە "رادۋگا" دەمالىس بازاسىندا بولعان. بەس جاسار قىزى بار ەيەل ايۋدىڭ تورىنا بٸرٸنشٸ رەت جاقىنداپ بارعاندا, ول تىنىش جاتقان. الايدا, كەيٸن قىز تورعا جالعىز بارعان, سول سەتتە جىرتقىش بالانى تٸستەپ العان. ونى اتا-اناسى مەن دەمالۋشىلار قۇتقارىپ العان.
قوستاناي وبلىسىنىڭ پوليتسييا دەپارتامەنتٸ اقپاراتتى راستادى. دەرەككە قاتىستى قىلمىستىق كودەكستٸڭ 114-بابى "دەنساۋلىققا ابايسىزدا زييان كەلتٸرۋ" بويىنشا سوتالدى تەرگەۋ باستالعان. باپ سانكتسيياسى 80 اەك-كە دەيٸنگٸ مٶلشەردە ايىپپۇل سالۋ, نە سول مٶلشەردە تٷزەۋ جۇمىستارىنا تارتۋ نەمەسە 20 تەۋلٸككە دەيٸن قاماۋعا الۋدى قاراستىرادى. باستاپقى تەرگەۋ ەرەكەتتەرٸ جٷرگٸزٸلگەن.
دەمالىس ورتالىعىنا كەلۋشٸلەردٸڭ ايتۋىنشا, ايۋ قازٸرگٸ ۋاقىتتا "رادۋگا" اۋماعىندا توردا جاتىر. تور ماڭىنا ساقتىق شارالارى تۋرالى اقپارات بار ەسكەرتۋ بەلگٸلەرٸ قويىلعان.
ايۋدىڭ وقيعاسى تۋرالى جەرگٸلٸكتٸ باق ەكٸ جىل بۇرىن حابارلاعان بولاتىن. دەمالىس ورتالىعىنىڭ يەسٸ جانۋاردى بۇرىنعى يەلەرٸنەن العان.
