Qostanaida órt shyqqan qarý-jaraq dúkeniniń direktory aýyr halde aýrýhanada jatyr. Onyń denesiniń 50 paiyzyn kúiik shalǵan. Buǵan deiin jertólede qamalyp qalǵany aitylǵan qyzmetkerlerdiń jaǵdaiy ázirge belgisiz, - dep habarlaidy Tengrinews.kz.
Qostanaida órttiń aýmaǵy ulǵaidy. Onyń aýmaǵy eki myń sharshy metrden asyp ketken. Qazir órt sóndirýshiler ǵimaratta basqa adamnyń bar-joǵyn tekserip jatyr.
"Qazirgi ýaqytta órttiń aýmaǵy 2500 sharshy metr boldy. Qarý-jaraq qoimasynda zardap shekkenderdiń bar-joǵyn barlaý úshin jeke quram saýyttarmen jáne qalqandarmen jabdyqtalǵan", - dep málimdedi Qostanai oblysy Tótenshe jaǵdailar departamentiniń baspasóz qyzmetini.
Órttiń shyǵý sebebi anyqtalyp jatyr. Jaǵdaidy aptap pen qatty jel qiyndatyp otyr. Sondai-aq órt tutaný oshaǵyna jaqyn ornalasqan 8 jeke úidi sharpyǵan.
Eske salaiyq, buǵan deiin Qostanaidaǵy "Orýjeinaia palata" dúkeninde órt bolyp jatyr degen habarlamalar taraǵan.
