Qostanai qalasyndaǵy kóliktik HQO aýdanyndaǵy temirjol ótkelinde kólik poiyzben soqtyǵysty, dep habarlaidy QazAqparat oblystyq politsiia departamentiniń baspasóz qyzmetine silteme jasap.
«Búgin tańerteń kóliktik HQO aýdanynda jol-kólik oqiǵasy oryn alǵan – «Nur-Sultan – Oral» baǵytymen júrip kele jatqan poiyz temirjol ótkelinde 40 jastaǵy er adam júrgizip kele jatqan «Shevrole krýz» kóligimen soqtyǵysty. Qazirgi kezde oqiǵa ornynda tergeý-jedel toby jumys istep jatyr», - dep túsindirdi departamentten.
Kólik júrgizýshisiniń temirjol ótkelinen baǵdarshamnyń tyiym salynǵan belgisi janǵanda ótpek bolǵany anyqtaldy.
Júrgizýshi aýyr halde aýrýhanaǵa jetkizildi.
Tiisti tergeý amaldary júrgizilip jatyr.
Politsiia departamentinde júrgizýshilerge ásirese aýa raiynyń qolaisyz jaǵdaiynda jol erejelerin saqtaý qajettigi týraly eskertýde.
