قوستاناي قالاسىنداعى كٶلٸكتٸك حقو اۋدانىنداعى تەمٸرجول ٶتكەلٸندە كٶلٸك پويىزبەن سوقتىعىستى, دەپ حابارلايدى قازاقپارات وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«بٷگٸن تاڭەرتەڭ كٶلٸكتٸك حقو اۋدانىندا جول-كٶلٸك وقيعاسى ورىن العان – «نۇر-سۇلتان – ورال» باعىتىمەن جٷرٸپ كەلە جاتقان پويىز تەمٸرجول ٶتكەلٸندە 40 جاستاعى ەر ادام جٷرگٸزٸپ كەلە جاتقان «شەۆرولە كرۋز» كٶلٸگٸمەن سوقتىعىستى. قازٸرگٸ كەزدە وقيعا ورنىندا تەرگەۋ-جەدەل توبى جۇمىس ٸستەپ جاتىر», - دەپ تٷسٸندٸردٸ دەپارتامەنتتەن.
كٶلٸك جٷرگٸزۋشٸسٸنٸڭ تەمٸرجول ٶتكەلٸنەن باعدارشامنىڭ تىيىم سالىنعان بەلگٸسٸ جانعاندا ٶتپەك بولعانى انىقتالدى.
جٷرگٸزۋشٸ اۋىر حالدە اۋرۋحاناعا جەتكٸزٸلدٸ.
تيٸستٸ تەرگەۋ امالدارى جٷرگٸزٸلٸپ جاتىر.
پوليتسييا دەپارتامەنتٸندە جٷرگٸزۋشٸلەرگە ەسٸرەسە اۋا رايىنىڭ قولايسىز جاعدايىندا جول ەرەجەلەرٸن ساقتاۋ قاجەتتٸگٸ تۋرالى ەسكەرتۋدە.
