Qostanai qalasy kósheleriniń birinde jerasty jylý qubyrynda apat bolyp, 30 turǵyn úi kesheni jylýsyz qaldy, dep habarlaidy QazAqparat.
«Aýa raiynyń jylynýyna bailanysty 20 jeltoqsan kúni saǵat 09:00-den bastap Gerasimov kóshesinde jarylǵan jerasty jylý jelisin qalypqa keltirý jumystary júrgizilýde. Jarylǵan qubyrdyń diametri 400 mm. Osyǵan bailanysty 30 turǵyn úi, iaǵni 2 164 abonent jylýdan ajyratyldy. Saǵat túngi 00:00 shamasynda jylý jelisi tolyq jóndelip, jylý beriledi», - dep málim etti «Qostanai jylý energetika«kompaniiasynyń baspasóz qyzmetinen.
Ýaqytsha jylýdan ajyratylǵan úilerdiń mekenjaiy:
- Gerasimov kóshesindegi №2B, №7, №8, №9, №10, №12 úiler;
- Aeroport shaǵynaýdanyndaǵy №6, №7, №8, №9, №10, №12, №16, №17, №18, №19, №20, №21, №26, №28, №29, №30, №32, №33, №35, №35A, №38, №39, №45 úiler;
- Aeroport kóshesindegi №1 úi;
- № 29 orta mektep pen «Qostanai» halyqaralyq áýejaiynyń ǵimaraty.
