Qostanai oblysy politsiia departamentiniń kóshi-qon qyzmeti sovet úkimeti tusyndaǵy tólqujatpen júrgen er adamnyń azamattyǵyn anyqtaýǵa kiristi, dep habarlaidy "Ul aqparat".
Qul retinde eńbekke jegilgen er adamnyń erkindikke shyǵarylǵanyn «Damytý» qoǵamdyq qorynyń ókilderi málim etti.
Qordyń basshysy Nina Kosiýktyń aitýynsha, Dmitrii Sovet odaǵy ydyramai turǵan kezde aqsha tabý úshin Reseiden kelgen. Keiin ol sol tustaǵy Kókshetaý oblysynda, sonan soń Almaty oblysynda quldyqqa salynǵan.
«Damytý» qoǵamdyq qorynyń nazaryna ilingen soń-aq onymen jumys istei bastadyq, tulǵasyn anyqtaý jumystaryn júrgizdik», - deidi Kóshi-qon qyzmetiniń bastyǵy, politsiia polkovnigi Qairat Dútpaev.
Er adamnyń tulǵasyn anyqtaý úshin elordadaǵy RF Elshiligine saýal joldanǵan.
Qairat Dútpaevtyń aitýynsha, azamattyǵy anyqtalǵan soń Dmitriige readmissiia jasalady, iaǵni qai eldiń azamaty bolsa, sol elge qaitarylady ne Qazaqstan Respýblikasynyń aýmaǵynda qujattandyrylady.
