Jelide Qostanaidaǵy jol jóndeýshiler shalshyq sýǵa asfalt tósep jatqany túsirilgen video jariialandy, - dep habarlaidy Tengrinews.kz.
Sapasyz jasalyp jatqan jol jeli qoldanýshylarynyń ashýyna tidi. Kadrdardan shalshyq sý ústine asfalt tóselip jatqanyn kórýge bolady.
Ákimdik Stroitelnaia kóshesiniń boiynda jóndeý jumystary júrgizilip jatqanyn habarlady. Alaida jaqyn mańda sý qubyry jarylyp sý joldy basyp qalǵan.
"Merdiger jumysty toqtatyp, asfalt tóseý úshin basqa ýchaskege aýysty. "Qostanai-Sý" qazir apattyń aldyn alyp, jóndeý jumystary júretin ýchaskeden sýdy soryp alady. Barlyǵy durystalǵannan keiin, qaita jumys bastalady", - dedi Qostanai qalasy ákimdiginiń baspasóz qyzmetindegiler.
