Nur-Sultan qalalyq №2 balalar aýrýhanasy Qostanai oblysynda órtten zardap shekken balalardyń jai-kúiin baian etti, dep habarlaidy "Ult aqparat".
17 jeltoqsan kúni órtten zardap shekkender sanitarlyq aviakólik arqyly Nur-Sultan qalasyna jetkizilgen. Sonyń ishinde eki bala elordalyq №2 balalar aýrýhanasyna jatqyzylǵan.
«16 jeltoqsanda balalar Jangeldin ortalyq aýdandyq arýhanasyna shuǵyl jetkizilgen. Olarǵa alǵashqy meditsinalyq kómek kórsetilgen. Jara óńdelip, aýyrsynýdy basqan, infýziialyq, shokqa qarsy terpiia jasalǵan. Sodan keiin Arqalyq óńirlik aýrýhanasynyń jansaqtaý bólimshesine jatqyzylǵan», - dep habarlaidy №2 balalar aýrýhanasynan.
Osydan keiin jaǵdaidyń aýyrlyǵyna bailanysty balalar Nur-Sultan qalasy qoǵamdyq densaýlyq saqtaý basqarmasynyń kelisimi boiynsha sanaviatsiia jelisimen Nur-Sultan qalasynyń №2 kópbeiindi balalar aýrýhanasyna jetkizilgen.
«Zardap shekken bir balanyń jasy 10-da. 17 jeltoqsan tańǵy saǵat 05.00 shamasynda sanaviatsiiamen jetkizildi. Jaǵdaiy aýyr. Jansaqtaý bólimshesine jatqyzyldy. Dinamikalyq baqylaýda. Tolyq kólemde barlyq qajetti meditsinalyq kómekti alyp jatyr. Ekinshi balanyń jasy 8-de. 18 jeltoqsan tańǵy saǵat 04.00 shamasynda sanaviatsiia jelisimen jetkizildi. Aýyrsynýdyń ortasha dárejesi. Jansaqtaý bólimshesinde dinamikalyq baqylaýǵa alynǵan. Jaǵdaiy turaqtalǵannan keiin beiindi kúiik bólimshesine aýystyryldy. Onda tolyq kólemde statsionarlyq kómek alýda», - dep habarlady aýrýhanadan.
Eske sala ketsek, Qostanai oblystyq densaýlyq saqtaý basqarmasy búgin Jangeldin aýdanynda turǵyn úi ishinde gaz ballony jarylyp, 4 adam kóz jumǵanyn habarlaǵan bolatyn. Taǵy bes adam ártúrli jaraqat alǵan. Oqiǵa 15 jeltoqsan kúni Torǵai aýylynda bolǵan. Sońǵy málimet boiynsha Baiqadam kóshesindegi turǵyn úilerdiń birinde gaz ballony jarylǵan.
