Qostanai oblysy boiynsha Qarjylyq monitoringi agenttiginiń aýmaqtyq departamenti tsifrlyq mainingpen ainalysatyn tulǵalarǵa tiisti litsenziiasyz elektr energiiasyn satý deregi boiynsha "EG" JShS laýazymdy tulǵalaryna qatysty qylmystyq is qozǵady, - dep habarlaidy Tengrinews.kz agenttigi QMA baspasóz qyzmetine silteme jasap.
Vedomstvo málimetinshe, Qostanaida "EG" JShS ornalasqan jerde 2021 jyldyń qarashasynan 2022 jyldyń aqpanyna deiin elektr energiiasyn tutyný kúrt óskeni anyqtalǵan.
"Osy ýaqytta elektr energiiasyn satyp alýǵa jumsalǵan boljamdy soma 32 185 617 teńge (1 kVt/saǵ úshin 32 teńge tarifi kezinde).
Tintý júrgizý barysynda osy aýmaqta tsifrlyq mainingpen ainalysýǵa arnalǵan jabdyǵy bar eki konteiner tabyldy, onda 180 dana – Internet jelisinde paidalaný jolymen kriptovaliýta óndirýge arnalǵan "ASIC" markaly arnaiy jabdyq: Whatsminer M20S jáne Avalon Miner 1166pro-81t tabyldy", - delingen habarlamada.
Tintý kezinde mamandandyrylǵan tehnikasy bar konteinerlerdi jalǵa bergen kásiporyndar anyqtaldy. Olardyń quryltaishylary basqa óńirlerdiń (30 paiyz) jáne shet elderdiń (70 paiyz) azamattary ekeni anyqtaldy.
Eske salaiyq, Qazaqstanda ótken aptada bes kúnde 13 maining fermasy anyqtaldy. Qaraǵandy oblysynda jalpy qýaty - 31,3 megavatt, Pavlodar oblysynda - 22 megavatt, Túrkistan oblysynda - 3,28 megavatt, Aqmola oblysynda - 1,03 megavatt, Qostanai oblysynda - 0,82 megavatt, Nur-Sultan qalasynda - 1,8 megavatt, Almaty qalasynda - megavatt, Shymkent qalasynda megavatt tsifrlyq maining boiynsha qyzmet anyqtaldy.
